Autor: Lobitos Alves
Inan-feto nain rua fahe sira nia viajen fila ba sira nia knua no semo ho aviaun MAF, no oinsa kompara ho alternativa.
Ita-boot sira bele imajina tok kona-ba gasta tempu naruk hodi viajen iha kondisaun dalan ne’ebe la diak no oinsa nia fo impaktu ba ita? Imajina tok oinsa mak halo viajen hamutuk ho labarik sira?
Inan na'in rua halo desizaun ne'ebé di'ak atu evita halo viajen liu husi kondisaun estrada ne’ebe at bainhira sira viajen fila fali ba sira nia knua iha Suai, lokaliza iha parte sudoeste Timor-Leste.
Frederica Gusmão, inan husi oan nain neen ne'ebé oras ne'e hela iha Dili, kapitál Timor-Leste, iha parte norte, halo viajen ho nia oan-mane tinan 5, Nixon Gusmão, ba sira nia knua iha Suai hodi pasa férias.
Nia fahe nia esperiénsia semo ho aviaun MAF no hare rai Timor husi leten.
“Ami prefere halo viajen ho aviaun MAF tanba ida ne’e lori durasaun tempu ne’ebe badak no permite ami atu aproveita hare beleza illa Timor-Leste nian,” dehan Señora Gusmão.
Baibain, viajen ho bis ka uza transporte públiku husi Dili ba Suai lori durasaun tempu kuaze oras ualu no ultrapasa husi estrada ne’ebe at, no bele halo pasajeiru sira sente kolen.”
Nia mós esplika katak viajen iha aviaun MAF mak viajen ne'ebé diak, maske antes ne’e nia rekoñese nia sente tauk.
“Ha’u senti kontenti tanba aviaun MAF lori ami ho minutu 35 to ona iha Suai, maibe ho kareta bele lori tempu to oras ualu viajen iha dalan,” nia hatutan.
“Antes ne’e ha’u sente tauk, maibe agora ha’u sente komfortavel, no ha’u hakarak semo barak ho aviaun MAF.”
Antes ne’e ha’u sente tauk, maibe agora ha’u sente komfortavel, no ha’u hakarak semo barak ho aviaun MAF
Maria Delfina dos Santos, inan husi oan nain rua ne’ebe mai husi Zumalai, Munisipiu Covalima, nia dehan katak nia mos sente tauk antes halo viajen.
“Ha’u mos sente tauk, maibe agora ha’u sente konfiante kona-ba esperensia viajen ho aviaun MAF.”
Nia mai Dili ho bis, maibe nia hasoru esperensia ne’ebe la diak, no nia mos halo viajen ho nia oan mane ida ho tinan 2, Ahzrel Jules dos Santos Gomes.
Señora Santos hatete: “Ami hakarak semo ho aviaun MAF tanba ida ne’e sei lori ami ho tempu naton duke viajen ho kareta, ne’ebe baibain halo ami senti bulelu,”
“Ha’u viajen ho ha’u nia oan mane, tanba ne’e ha’u prefere liu utiliza aviaun MAF atu nune’e la bele muta. MAF nia servisu voo domestiku ajuda tebes ami.”
Pilotu MAF Joe Farren dehan katak servisu transporte aviaun sei oferese liu tan konfortavel ba maluk sira ne’ebe husi komunidade remota iha Timor-Leste.
Nia dehan, “Ha'u hanoin katak ida ne'e mak priviléjiu ida ne'ebé ami bele hola parte iha misaun MAF nian: lori ajuda, esperansa, no kura ba ema sira ne'ebé lakon no izoladu.”
“Ami fo oportunidade ba maluk sira atu prontu no lalais vizita sira nia familia. Ami mós oferese oportunidade ba maluk sira atu mai servisu iha Dili, hodi hetan reseita ne'ebé bele suporta fila-fali sira nia família iha sira nia knua.”
“Kontenti tebes bele hare ksolok iha Timor-oan sira nia oin hafoin sira halo viajen. Ha’u bele deskobre duni forsa husi istoria no forsa husi ami nia fiar lao ho Nai Maromak no oinsá mak ita bele uza istória sira ne'e atu fó konsellu ba ema seluk.”