Inan foinsa’e Timor-oan ida viajen fila-fali ba nia horik fatin ho haksolok hamutuk ho nia bebe mane kaduak ne’ebe foin moris, hafoin hetan ran fakar makas ne’ebe rezulta nia tenki halo evakuasaun medika ba iha kapitál nasionál.
Autor: Lobitos Alves
Serafina Cou, inan ida ho idade 16 husi illa Atauro, hetan ran fakar makas bainhira tur-ahi ba nia oan-mane nain rua, Juda no Ada.
Nia kaben, Sr. Oscar Alves, nudar peskadór lokál ida. Iha fin-de-semana sira sempre fan ikan maran no fresku ba vizitante sira iha merkadu lokal iha portu Beloi.
Maibé, iha semana ida ne'e diferente, tanba nia ho nia oan mane nain rua evakuadu husi Illa Atauro ba kapitál Dili.
Sra. Cou esplika oinsá aviaun MAF ajuda sira durante iha momentu ne’ebe kritiku.
“Ha’u hetan ran fakar bainhira tur-ahi ba ha’u nia oan mane nain rua, ne’ebe sira nain rua mos moris ho kondisaun todan ne’ebe kiik.
“Hafoin partu, ran kontinua fakar, no enfermeira sira deside atu lori ami ba Dili tanba ha'u nia bebé mós presiza tratamentu tan iha ospitál."
Voo MAF lori sira ho minutu 15 to iha kapital, prevene sira halo viajen ho ro, liu husi ondas tasi ne’ebe makas, durasaun viajen bele liu husi oras tolu, no potensialmente bele hamosu difikuldade ba inan ho nia oan-mane nain rua nia kondisaun.
Sra. Fatima Tael, avo feto husi baby nain rua ne’ebe foin moris, esplika oinsa aviaun MAF ne’e importante tebes ba sira.
"Tuir lolos ami atu mai kedas ho ro iha kalan ne’e, maibe tanba kondisaun tasi ho ondas makas, entaun ami la bele halo viajen.
“Karik ami mak la konsege halo viajen ho aviaun MAF, ha’u nia oan feto no bei-oan nain rua nia moris, bele iha perigu nia laran.”
Karik la iha aviaun MAF, ha’u noa oan feto ho no bei-oan nain rua nia moris, bele iha perigu nia laran.
Bainhira ami to'o iha Dili, ekipa MAF mós fó ba ami pasta ida ne'ebé iha hahán no sasán sanitária, no mós roupa balu ba ami, no mós ba bebé sira." dehan Sra. Tael.
“Prezente ida ne’e importante tebes mai ami tanba ami rasik la lori sasan ne’ebe sufisiente no la iha osan atu sosa hahan balu."
Sira hela iha ospitál kuaze fulan ida no sira alta ona. Hafoin liu loron rua, sira fila fali ba Atauro ho aviaun MAF.
Nia hatete: "Ami agradese tebes ba MAF tanba oferese ona mai ami voo fila fali baa mi nia knua, asegura ami atu fila ba uma ho seguru no prevene viajen ho ro, ne’ebe sei afeta ba ami nia bebe nia kondisaun,”
“Ha’u kontente tebes tanba ha’u ho ha’u nia bebe rekuperadu ona no ami mos prontu atu fila ba uma. Familia sira iha uma mos sei kontenti hodi simu sira nia alin nain rua.”
Sra. Suzana Nunes, MAF nia Ofisial Rezervasaun, esplika kona-ba sentidu ba nia hola parte iha misaun salva-moris iha nia nasaun.
Sra Nunes hatete: “Ha’u nia envolvimentu iha Mission Aviation Fellowship laos deit nudar knar ida, maibe ida ne’e sai nudar previlejiu no responsablidade ida.”
“Ha’u hatene katak ha’u hola parte iha misaun ida ne’e, maski direitamente ou indireitamente, ha’u sente iha objetivu no agredesimentu ne’ebe klean.
Sra. Nunes hatete: “Bainhira ha’u hare evakuasaun medika ne’ebe susesu hanesan ne’e, laos deit ba moris ne’e hetan salvasaun maibe ba mos oportunidade atu kontribui ba misaun salva-moris.”
“Gratidaun la sempre mai husi ita nia an rasik. Dalaruma, nia mai husi asiste maluk seluk nia kmaan no haksolok.”
“Ha’u orgullu tanba hamrik hamutuk ho organizasaun ida ne’ebe valoriza moris, no ha’u hakraik-an hodi realiza katak ha’u mosh ola parte iha misaun bo’ot ida, ne’ebe lori husi fiar, kompaixaun no servisu.”